نهێنیی سه‌ركه‌وتنه‌كانی شێروانه‌ چی بوون؟ ‌ 36 جار خوێندراوه‌ته‌وه 22:2:56 6/3/2017

بێوەی ئەحمەد
له‌ دوایین گەڕی قۆناخی کۆمه‌ڵه‌کانی خولی نایابی پێشمه‌رگه‌ی کوردستان، یانه‌ی شێروانه‌ی تاکه‌ نوێنه‌ره‌که‌ی گه‌رمیان له‌سه‌ر پشتی زاخۆ په‌ڕییه‌وه‌ و بلیتی قۆناخی چوارگۆشه‌ی زێرینی بڕی، تۆ بڵێی نهێنیی سه‌رکه‌وتنه‌کان و گه‌یشتنی تیپه‌که‌ به‌و قۆناخه‌ چییه‌؟
کاروان حه‌مه‌ساڵح راهێنه‌ری شێروانه‌ ده‌ڵێت: ھەر لە سەرەتای خولەکە پلانی سەرکەوتنمان بۆ چوارگۆشەی زێرین دانابوو، وەک دەستەی راھێنەران پلانەکشمان بە پاڵپشتی ئیدارەی یانەکە و یاریزانان و دەستەی راھێنەران جێبەجێ کرد.
راھێنەرە لاوەکە جه‌خت له‌وه‌ش ده‌کاته‌وه‌ که‌ خاڵی سەرەکی سەرکەوتنەکەیان بۆ ئیدارەی یانەکە بە گشتی و فه‌رھاد کەرەمی سەرپەرشتیاری تیپەکە دەگەرێنێتەوە کە بەردەوام ھاوکار و پشتیوانیان بووە، ده‌شڵێت: هه‌رگیز پشتێوانی ھاندەرانیش لە بیرناکه‌ین کە رۆڵی کاریگه‌ریان له‌ سه‌رخستنی یانه‌که‌ی بۆ چوارگۆشه‌ی زێڕین هه‌بووه‌.
کاپتنی یانه‌که‌ قسه‌ی خۆی هه‌یه‌
سەلام عەزیز بەرگریکار و کاپتنی یانەی شێروانه‌ پێی وایه‌ په‌یوه‌ندی به‌هێزی نێوان یاریزانان و ماندووبوونی بێ ئەندازەی دەستەی کارگێری و راھێنەر و وه‌فای هانده‌ران زیاتر وزه‌ی پێبه‌خشیون و هۆکارێک بوون بۆ ئه‌وه‌ی که‌ یاریزانه‌کان هه‌ست به‌ شه‌که‌تبوون و هیلاکی نه‌که‌ن.
کاپتنەکەی شێروانە پێیوایە بەردەوام بوون بەم شێوەیە دەیانگەیەنێتە نازناوەکەش.
گۆڵپارێزه‌ سه‌رکێشه‌که‌ی شێروانه‌ په‌یامی خۆی هه‌یه‌
حەسەن حوسێنی گۆڵپارێزی شێروانه‌ نھێنی ئەم سەرکەوتنانە دەگەرێنێتەوە بۆ یەکدەنگی و یەکریزی یاریزانان و راھێنەران، حه‌سه‌ن پاڵپشتی ھاندەران بە یەکێکی تر لە خاڵە بەھێزەکانی سەرکەوتنەکانیان دەزانێت و پێیوایە بە بوونی ئەوان دەتوانن جەنگی نازناوەکەش بکەن، ئەم سەرکەوتنە مێژوویەش دەکاتە دیاری بۆ ھاندەرانیان.
قه‌ناسه‌که‌ی شێروانه‌ چی ده‌ڵێت؟
عه‌لی کاکە مینەی هێرشبه‌ری شێروانه‌ ئه‌م وه‌رزه‌ 6 جار تۆڕی به‌رامبه‌ره‌کانی هه‌ژاندووه‌ و به‌ قه‌ناسه‌که‌ی شێروانه‌ ناسراوه‌، ئه‌و له‌ لێدوانێکدا ئەم سەرکەوتنە دەکاتە دیاری بۆ ھاندەرانی یانەکەی، ده‌شڵێت: ھاندان و بەردەوامی پاڵپشتی ئەوان بووە نھێنی ئەم سەرکەوتنە مێژووییە.
عه‌لی کاکه‌مینه‌ که‌ سه‌رلیستی گۆڵکارانی ئه‌م وه‌رزه‌ی گرتووه‌ بەڵێنی به‌ده‌ستھێنانی نازناوەکەش به‌ گەرمیانییه‌کان ده‌دات و ده‌ڵێت: ئه‌گه‌ر به‌م ئاست و یه‌کڕیزییه‌ بمێنینه‌وه‌ له‌ ناسناوه‌که‌ نزیکین و دوورنین.
سه‌ربازه‌ ونه‌کان پشت سه‌رکه‌وتنه‌که‌ی شێروانه‌
له‌ ده‌ستپێکی یارییه‌کانی ئه‌م وه‌رزه‌، میدیاکاران و رۆژنامه‌نووسان وه‌رزشی گه‌رمیان رۆڵێکی کاریگه‌ریان له‌ رووماڵکردنی یانه‌ی شارۆچکه‌که‌یان هه‌بوو.
داستان ئەمینی رۆژنامەنووس پێیوایه‌ پاڵپشتی رۆژنامەنووسان و راگەیاندنکارانی سنوورەکە خاڵێکی بەھێزی سەرکەوتنەکانی یانه‌ که‌لارییه‌که‌ بوون.
داستان ده‌ڵێت: له‌ دوایاریدا رۆڵه‌ کاریگه‌ره‌که‌ی میدیاکارانی گه‌رمیان به‌سه‌ر سه‌رکه‌وتنه‌که‌ی شێروانه‌ ڕه‌نگی دایه‌وه‌، به‌وپێیه‌ی ئه‌وان ھەڵمەتێکی گه‌وره‌یان له‌ تۆڕه‌ کۆمه‌ڵایه‌تییه‌کان و ده‌زگایه‌کانیان بۆ پشتگیریکردنی یانه‌که‌یان ده‌ستپێکرد بوو.
ئه‌و رۆژنامه‌نووسه‌، لێھاتوویی دەستەی راھێنەران و چۆنیه‌تی کارکردن لەسەر لایەنی دەروونی یاریزانان بە خاڵێکی بەھێز سه‌رکه‌وتنی شێروانه‌ وەسف دەکات.
هانده‌ران، شێروانه‌یان به‌ ڕۆژه‌ خۆشه‌که‌ گه‌یاند
له‌ لای خۆیه‌وه‌ ھاندەرێکی شێروانـــە دڵخۆشی خۆی بە سەرکەوتنە مێژووییەکه‌ی یانه‌که‌ی به‌سه‌ر یانه‌ی زاخۆ ده‌ربڕی و پێیوایە ساڵانێکە ھاندەران چاوەرێی ئه‌و سه‌رکه‌وتن و رۆژه‌ خۆشه‌ ده‌که‌ن.
رەوا فەرەج که‌ یه‌کێکه‌ له‌ هانده‌رانی شێرونه‌ گوێ به‌هیچ شتێک نادات و بە گەرما و سەرما لە یارییەکاندا بۆ پاڵپشتیکردنی شێروانه‌ له‌ یاریگه‌ ئاماده‌ ده‌بێت، ئه‌و ده‌ڵێت: هانده‌ران هه‌میشه‌ به‌ ئومێده‌وه‌ له‌ یانه‌که‌یان رووانیوه‌ له‌ کاتی سه‌رکه‌وتنه‌کان ئاهه‌نگیان گێراوه‌ و له‌ کاتی شکسته‌کانیش متمانه‌یان بۆ سه‌رخستنی یانه‌که‌یان له‌ده‌ستنه‌داوه‌.
شێروانه‌ بۆ یه‌که‌مجاره‌ له‌ مێژووی خۆیدا ده‌گاته‌ قۆناخی چوارگۆشه‌ی زێرین، له‌ یه‌که‌مین یاری ئه‌م قۆناخه‌ش له‌ رۆژی 16/3 که‌ ده‌کاته‌ مانگی داهاتوو له‌ ده‌ره‌وه‌ی یاریگه‌ی خۆی ده‌بێته‌ میوانی یانه‌ی نه‌ورۆز، له‌ دووه‌مین یاری خۆشی له‌ 23/3 میوانداریی یانه‌ی که‌رکووک ده‌کات.
راپۆرت – دانا له‌تیف – که‌لار
فۆتۆ: هادی ئه‌حمه‌د

ناو :  

ئیمەیل :  

کۆمێنت :
 



ئارامير : تام و چێژی زۆرانبازی لەگەڵ خوێنم تێکەڵ بووە

ئاراس رواندزی ‌ نووسراوەکەی بەردەم وەزیر!‌
زاگرۆس نانەکەلی ‌ مافە سەرەتاییەکانی میدیاکاری وەرزشی!‌
فۆتۆی ڕۆژ
Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1 Slideshow Image 1
خولی نایابی عێراقت پێ چۆنه‌ ؟


باشه‌ %19
خراپه‌ %55
زۆر خراپه‌ %25
63  ده‌نگ